فى جريدة الآهرامـ تطالعنا
قصيده بالعامية لـــ بهاء جاهين أسمها عود ...
لمـ اتمالك أحساسي الا وانا اضعها هنا .

******


مين صاحب العود ده؟

مين علقه هنا ع الجدار
كأنه غنوة ماتقالتش
كأنه دقات مسرحية
ما انفتحش لها ستار؟
عود مين ده؟
عود عمي اللي كان بالليل بييجي عندنا
يقعد هنا
هنا جنبي
ع الكنبة اللي كانت فرفشة وأنس وغنا؟
عود مين ده؟
عود نعناع نشف
من لمسة يتفرفت؟
واللا انت عود كبريت
ومن بعد الوهج
مطفي
بقالك كام سنة؟
عود مين ده؟
عودك يا صبية
ياللي كنت تنوري الليل بالكلام والدندنة؟
عود مين دا
يا اللي ف بيتناواقفة تبصي ع الحيطة وعيونك أسئلة؟
عود مين
وضحكة مين
وإيد مين
ع الوتركانت‏..‏ ومابقيتشي هنا؟
‏**
‏مين صاحب العود ده؟
مين اللي ضمه ف حضنه
وعليه انحني
لحد ما غطاه مع الوقت الغبار
هو اتمسح
واتعلق العود ع الجدار
كأنه غنوة قديمة ع البال لحنها
بس الكلام كله نسيناه
يبقي علي لساننا
ونلقاه فجأة تاه
وبعد حبة نسينا حتي العود
بقينا نعدي قدامه
ونبص له وكأنه مش موجود
‏**
‏مين صاحب العود ده؟
نعرف منين؟
دي حاجة من مدة
عود مين ده؟
عود‏..‏ مين‏..‏ ده؟
ومين هنا بينده؟
ومين حضن قلبي ورماه؟
رماني تحت الأرض
وف قلبي رنين
عود الحنين‏.‏